Pambababae at usapin umano sa pera ang itinuturong dahilan kung bakit naghiwalay si Gab Valenciano at ang asawa nitong si Tricia Centenera.
Ito ang kinumpirma ng isang taong malapit sa mag-asawa.
Ayon sa source, hindi na raw kayang tiisin ni Tricia ang pambababae ni Gab na sinasabing involve sa ilang young star.
Mayroon din aniya itong kinakaharap na kaso sa Amerika dahil sa ilang commitment na hindi nagagawa kaya naman kahit na minsan na nitong tinalikuran ang local showbiz ay nagbalik ito sa bansa.
Bukod pa ito sa malaking halagang pagkakautang ni Gab sa isang malapit sa pamilya ni Tricia.
Si Gab pa umano ang syang humingi ng divorce sa kanyang asawa.
Halos dalawang taon pa lamang nagsama ang dalawa matapos na magpakasal ng tatlong beses, isa sa Amerika habang dalawang beses naman dito sa Pilipinas.
Wala pang kumpirmasyon mula sa dalawa ngunit makikita sa kanilang mga Instagram post na may pinagdadaanan ang mga ito.
By Rianne Briones
Photo: Screengrab from tricia centenera/ Instagram
