Nagbitiw ang Finance Minister ng Myanmar.
Ayon kay Win Myint, Pangulo ng Myanmar, nag-resign si Kyaw Win matapos pumutok na iniimbestigahan ito dahil sa umano’y katiwalian.
Sinabi ng Pangulo na pinayagan niyang magbitiw sa tungkulin si Kyaw bagamat tumanggi nang ibigay ang tunay na dahilan sa resignation ng Finance Minister.
Magugunitang sa unang bahagi ng buwang ito ay hinalughog ng Anti-Corruption Commission ng Myanmar ang bahay ni Kyaw at nalathala naman sa frontier magazine na nasa huling yugto na ng kanilang imbestigasyon ang ACC sa alegasyong korupsyon laban sa naturang opisyal.
Hindi naman nakuha ang reaksyon ni Kyaw sa nasabing isyu gayundin ang spokesman ng Myanmar government at maging ang mismong ACC.
—-
