Ipinatigil na ng Food and Drug Administration o FDA ang pagbebenta, pamamahagi at marketing ng dengue vaccine na dengvaxia.
Ayon kay FDA Director General Nela Charade Puno, kanila na ring ipinag-utos ang pagbawi o recall ng naturang dengue vaccine na nasa merkado.
Layon aniya nito na protektahan ang publiko mula sa naturang bakuna matapos i-ulat ng kumpanyang Sanofi na hindi angkop ang naturang bakuna para sa mga wala pang history ng sakit na dengue.
Kasabay nito, hinikayat ng FDA ang publiko at health professionals na i-report ang anumang masamang epekto na idinulot ng mga ibinakunang dengvaxia.
—-
