Estados Unidos nagpahayag ng suporta sa UN sa panawagang isalba ang mga karagatan

Naglabas na ang Estados Unidos ng ‘call to action’ para maisalba ang mga karagatan, pero tahimik naman sa isyu ng climate change.

Inanunsyo ito ng Estados Unidos kasabay ng kauna-unahang United Nations Ocean Conference noong Lunes kasunod ng United States exit sa 190-plus Paris agreement sa climate change.

Gayunman, hindi nagbigay ng clarifications si United States Deputy Assistant Secretary for Oceans and Fisheries David Balton sa pagkalas ng U.S. sa Paris agreement noong June 1 na inanunsyo mismo ni U.S president Donald Trump.

Samantala. pinangunahan naman ni United Nations Secretary General Antonio Guterres ang nabanggit na conference na umaapela sa mga bansa na isantabi muna ang pansariling interes para maisalba ang mga karagatan at mailayo ito sa ‘global catastrophe.’

Binigyang diin ni Guterres ang resulta ng mga pag-aaral na posibleng mas marami na ang plastic sa mga karagatan sa taong 2050 kapag hindi gumawa ng aksyon ang mga kinauukulan.

By Meann Tanbio

Comments

comments