Hindi pa maisusuko ni Broadcaster Erwin Tulfo ang kaniyang mga armas.
Ayon ito kay PNP Spokesman Col. Bernard Banac dahil nasa ibang bansa pa aniya si Tulfo.
Sinabi ni Banac na hindi pa nila maaaksyunan ang renewal ng LTOPF o License to Own and Possess Firearms ng brodkaster.
Nilinaw ni Banac na nakaalis na si Tulfo bago pa man mailabas ang notice hinggil sa pagpaso ng lisensya ng kaniyang mga baril.
Wala aniya silang impormasyon kung nasaang bansa si Tulfo na pinadalhan na ng PNP ang follow up message upang tanungin kung kailan ito magre renew ng kaniyang mga armas.
