Binantaan ni Davao City Mayor Rodrigo Duterte si Justice Secretary Leila de Lima na ilalabas ang lahat ng baho ng kalihim.
Ito ay kaugnay ng pahayag ni de Lima na posibleng may pananagutang kriminal si Duterte sa pag-amin ng alkalde na mayroon itong koneksyon sa Davao Death Squad.
Ayon kay Duterte, si de Lima pa nga ang dapat makasuhan dahil sa hindi nito pagtupad sa tungkulin bilang kalihim lalo na aniya sa isyu sa New Bilibid Prison (NBP) sa Muntinlupa.
Sinabi ni Duterte na hinayaan ni de Lima na magtayo ng “Hilton Hotel” ang mga preso sa Bilibid.
Dagdag pa ni Duterte, nakikisawsaw sa isyu si de Lima dahil sa balak aniya ng kalihim na tumakbong senador sa 2016.
By Ralph Obina
