Hindi nagpaawat sa pagsakay ng motorsiklo si Pangulong Rodrigo Duterte ilang araw matapos makaranas ng pananakit ng likod kasunod naman ng pagsemplang noong nakaraang linggo.
Batay sa ibinahaging larawan ni Senador Christopher Bong Go, makikitang nakasakay silang dalawa ni Pangulong Duterte sa motorsiklo.
Nakasakay si Go sa kanyang scooter habang ang Pangulo ay sa isang quadricycle o motorsiklong may apat na gulong.
Magugunitang, nagtamo si Pangulong Duterte ng gasgas at pasa matapos maaksidente sa motorsiklo sa loob ng Presidential Securiy Group (PSG) compound sa Malakanyang noong October 16.
Habang pinutol naman ng Pangulo ang kanyang biyahe sa Japan dahil sa matinding pananakit ng likod kasunod ng naranasang aksidente.
