Aminado si Pangulong Rodrigo Duterte na hindi niya kayang sugpuin ang problema sa iligal na droga sa bansa sa loob ng anim na buwan.
Sa isang press conference sa Davao City kagabi, sinabi ng Presidente na kailangan pa niya ng anim pang buwan na extension para matugunan ang nabanggit na problema.
Ayon kay Pangulong Duterte, habang pinalalakas niya ang kampanya laban sa illegal drugs at corruption ay nagsulputan naman ang mga insidente ng kidnapping, terorismo at iba pa.
Paliwanag pa ni Duterte, saka pa lamang niya napagtanto kung gaano ka-talamak ang illegal drugs nang maging Pangulo siya ng bansa.
Bahagi ng pahayag ni Pangulong Rodrigo Duterte
By Jelbert Perdez
