Mariing kinondena ni Department of Health (DOH) Secretary Francisco Duque ang mga panawagang paluwagin ang ipinapatupad na health protocols ng Commission on Elections (COMELEC) para sa in-person campaigning sa gitna ng pandemya.
Ayon kay Duque, maituturing pang premature ang plano dahil bagama’t nakaligtas na ang pilipinas sa banta ng Omicron ay naririto pa rin ang virus.
Ilan sa mga iminumungkahi ay payagan ang mga partido sa pagshake-hands, pag-selfie at beso-beso sa gitna ng rally.
Pero giit ng kalihim, imbes na gawin ito mas mabuting ugaliin na lamang ang fist bumps at pagkaway.
Nitong Pebrero 8 nagsimula ang kampanya sa Pilipinas para sa pambansang posisyon. -—sa panulat ni Abigail Malanday