Kinumpirma ng Kensington Palace na nanganak na ang Duchess of Cambridge na si Kate Middleton sa isang lalaking sanggol na may bigat na 3.8 kilograms.
Nanganak ang Duchess sa St. Mary’s Hospital sa Paddington, London dakong alas onse ng umaga, oras sa UK.
Nakarating na ang balita kay Queen Elizabeth, sa Duke of Edinburgh, Prince of Wales, Duchess of Cornwall, kay Prince Harry at iba pang miyembro ng pamilya na nagpahayag ng kasiyahan sa balita.
Sina Prince William at Kate ay ikinasal noong 2011 at mayroon nang naunang dalawang anak na sina Prince George at Princess Charlotte.
Samantala, hindi pa isinasa-pubiko ang pangalan ng bagong prinsipe.
