Inaayos na ng DSWD ang relief goods para maipamahagi sa Local Government Units.
Tiniyak ito ni DSWD Secretary Erwin Tulfo matapos i report ng pagasa ang inaasahang pagdating ng dalawang bagyo sa mga susunod na araw.
Ayon kay Tulfo, inatasan na nila ang regional directors ng ahensya para ayusin na ang relief goods, food packs at relief items tulad ng hygiene kits, sleeping kits at maging mga tuyong damit na una na nilang nai pack.
Una nang ipinabatid ni PAGASA Administrator Undersecretary Vicente Malano na ang mga nasabing bagyo ay parang mga bagyong Caloy at Domeng.
