Iginiit ni dating Senate President Franklin Drilon na hindi lamang “acting” Senate President si Senador Sherwin Gatchalian matapos ang mga naging aksyon sa loob ng Senado.
Sa panayam, ipinaliwanag ni Drilon na sa ilalim ng Senate rules, maaaring palitan ang mga opisyal ng kapulungan kapag may quorum. Aniya, hindi kinakailangan ang 13 boto upang magawa ito dahil sapat na ang mayorya ng mga senador na bumubuo sa quorum.
“Wala pong sinasabi saan man na para palitan mo yung committee chairman at ibang opisyal ng Senado ay dapat 13 boto. Puwede ang majority of the quorum lamang.” ani Drilon.
Ayon pa sa dating Senate President, idineklara ng grupo ni Gatchalian na bakante ang mga posisyon sa Senado sa pamamagitan ng 12 boto. Dahil dito, nagkaroon ng vacancy sa mga posisyong ito.
Sinabi ni Drilon na si Gatchalian ang susunod sa ranggo at siya ang umako sa pamumuno ng Senado matapos mabakante ang mga posisyon.
#dwiz #dwiznews #aliw23
