Nilinaw ni dating Senate President Franklin Drilon na hindi siya sang-ayon sa pananaw ni Senador Alan Peter Cayetano na kinakailangan ang 13 boto para mahalal ang Senate President Pro Tempore.
Ayon kay Drilon, ang requirement na 13 boto ay nakasaad sa Konstitusyon para lamang sa paghalal ng Senate President. Aniya, ang mga patakaran para sa ibang posisyon sa Senado, kabilang ang Senate President Pro Tempore, ay nasa Senate Rules lamang at maaaring amyendahan ng mga senador.
Ipinaliwanag pa ni Drilon na kung may quorum sa Senado at inaprubahan ng mayorya ng mga senador ang pagbabago sa rules, maaari silang maghalal ng bagong Senate President Pro Tempore kahit hindi umabot sa 13 boto.
