Handa si Public Works and Highways Secretary Manuel Bonoan na ilabas ang kanyang statement of assets, liabilities, and net worth, matapos ipag-utos ni Pangulong Ferdinand Marcos Jr. na magsagawa ng lifestyle check sa mga opisyal ng pamahalaan.
Ayon kay Sec. Bonoan, sa katunayan, nagsumite na ng SALN ang ilan sa mga DPWH official at nagsimula na sila sa pagsasagawa ng lifestyle check.
Dagdag pa ng kalihim, bumuo na ang sila ng anti-corruption task force na hihimok sa publiko na isumbong ang mga kwestyunableng proyekto ng DPWH.
Sa ngayon, tinututukan na aniya nila ang pagsasampa ng reklamo laban sa mga responsable sa mga sinasabing palpak na flood control projects sa Bulacan, Occidental at Oriental Mindoro, at Iloilo.
Samantala, kumpiyansa si Sec. Bonoan na buo pa rin ang tiwala ni Pangulong Marcos sa kanya dahil ipinag-utos pa aniya sa kanya ng presidente na pabilisin ang imbestigasyon sa sinasabing maanumalyang flood control projects.
