Nagpahiwatig na si US Republican Presidential Candidate Donald Trump na pipiliin nito si Indiana Governor Mike Pence bilang Vice Presidential nominee.
Ayon sa source ng CNN, nakatanggap na ng pasabi ang kampo ni Pence na maghanda na dahil ano mang oras mula ngayon ay maari ng ianunsyo ang kanyang official nomination.
Mahalaga ang timing ng desisyon sa nomination dahil si Pence ay tumatakbo bilang re-eleksyunistang gobernador at hanggang ngayong Biyernes na lamang ang deadline para mag-withdraw sa kanyang kandidatura.
Ipinagbabawal sa Indiana Law ang pagtakbo ng sabay sa State at Federal Office.
By Mariboy Ysibido
Samantala, ipinagpaliban muna ni Trump ang kanyang nakatakdang press conference kung saan iaanunsyo ang kanyang magiging VP nominee.
Ito ay dahil sa naganap na pag-atake sa Nice France, kung saan tinatayang 60 katao ang patay matapos araruhin ng isang rumaragasang truck ang mga pedestrian.
