Nagpalabas ng guidelines ang Department of Labor and Employment (DOLE) para sa mga pamunuan at empleyado ng Philippine Offshore Gaming Operators (POGO) habang may umiiral na quarantine protocols.
Batay sa labor advisory number 19 ng kagawaran, kinakailangang magsumite ang POGO ng kopya ng pinakabagong authorization to operate galing sa Pagcor.
Ito ay bilang patunay na maaari nang magbalik operasyon ang isang POGO.
Maliban pa ito sa documentary requirements para sa alien employment permits (AEP) ng mga dayuhan nilang empleyado.
Samantala, ipinauubaya naman ng DOLE sa kanilang regional offices ang pagpapasiya kung kinakailangan pa ang magpalabas ng sarili nilang internal guidelines kaugnay ng paraan sa pagtanggap nila ng aplikasyon ng alien employment permits.
