Nakatakdang magsagawa ng Preliminary Investigation ang Department of Justice kaugnay sa kasong kriminal na isinampa ng PNP laban kina suspected drug lords Peter Lim, Kerwin Espinosa, Peter Co at lima pang indibidwal.
Itinakda ang unang pagdinig sa August 14 at tututok dito sina Assistant State Prosecutors Aristotle Reyes at John Michael Humarang.
Wala namang iba pang detalye na inilabas ang DOJ kaugnay sa reklamong conspiracy to commit illegal drug trading laban sa mga hinihinalang drug lords.
Kabilang din sa kinasuhan ang bodyguard at driver ni Espinosa na si Marcelo Adorco, umanoy hitman ni Espinosa na si Ruel Manidlangan, righthand man nitong si Max Miro, Konsehal Jun Pepito ng Albuera, Leyte at Lovely Adam Impal, umanoy top supplier ng illegal drugs ni Espinosa.
