“Overkill” ang isinagawang raid ng mga pulis sa bahay nina Ozamiz City Mayor Reynaldo “Aldong” Parojinog na ikinasawi nito at 14 na iba.
Ayon kay Atty. Ferdinand Topacio, abogado ni Ozamiz City Vice Mayor NOVA Princess Parojinog na anak ng alkalde, walang rason para i-overkill ang nakatatandang Parojinog maging ang asawa at kapatid nito.
Ito, anya, ay kahit pa tinukoy ni Pangulong Rodrigo Duterte si Mayor Parojinog na drug lord o protector.
Iginiit ni Topacio na imposible rin namang manlaban sa mga pulis ang asawa ng alkalde na si Susan lalo’t Senior Citizen na ito.
