Nagpahayag ng suporta ang Department of Health (DOH) sa pagpapahintulot pa ng gobyerno sa mga empleyado ng Information Technology and Business Process Management (IT-BPM), na magtrabaho sa pamamagitan ng Work-From-Home.
Ayon kay Health Officer-In-Charge Maria Rosario Vergeire, napatunayang mabisa ang WFH arrangement sa pagkontrol ng hawaan ng COVID-19 sa bansa.
Patunay dito ang maraming pag-aaral sa mundo na hindi lang para sa kaligtasan ng mga kumpanya at negosyo at maging ng mga indibidwal.
Hanggang sa December 31 pinalawig ang 70-30 Work-From-Home Arrangement, matapos palawigin ni Pangulong Bongbong Marcos Jr., ang pagsasailalim ng bansa sa State of Calamity.