Pinapurihan ni Pangulong Rodrigo Duterte si Health Secretary Francisco Duque III sa pangunguna sa laban kontra COVID-19 pandemic.
Sa kanyang Talk to the People, inihayag ni Pangulong Duterte na hindi matatawaran ang husay at dedikasyon ni Duque sa trabaho na hindi makalilimutan ng mga Pilipino.
Isa anyang sakripisyo ang magpatuloy sa trabaho sa kabila ng mga kinakaharap na kontrobersya.
Bagaman tinangka ni Duque na magbitiw sa pwesto, iginiit ng pangulo na hindi niya ito tinanggap dahil kailangan pa siya ng taumbayan lalo’t nananatili ang banta ng COVID-19.
