May paalala sa publiko ang Department of Health (DOH) isang linggo bago ang pagdiriwang ng Pasko at pagsalubong ng Bagong Taon.
Ayon kay DOH Officer-in-Charge Undersecretary Maria Rosario Vergeire, dapat maging responsable sa kalusugan ang lahat at maging kontrolado sa pag-inom ng alak at pagkain na hindi masustansya sa mga handaan.
Ipinaalala rin nito na iwasan ang paggamit ng paputok upang maging ligtas sa pagsalubong ng Bagong Taon.
Sa halip aniya na paputok, mas mainam na magpatugtog lamang at magpailaw.
Sa December 9, mag-iikot ang DOH sa apat na malalaking ospital sa Metro Manila para tiyakin ang paghahanda sa pagtanggap ng mga madadalang firework-related injuries.
Kabilang na rito ang Las Piñas General Hospital & Satellite Trauma Center, Jose R. Reyes Memorial Medical Center, East Avenue Medical Center, at Amang Rodriguez Memorial Medical Center.
