Inihayag ni Department of Health (DOH) Undersecretary Maria Rosario Vergeire na dapat ay mas palakasin pa ng local government unit ang swab test at contact tracing laban sa omicron variant.
Ayon kay Vergeire, wala pang nakikitang senyales na nasa bansa na ang Omicron variant dahil wala namang pagtaas ng kaso sa ngayon kung saan, 12 araw nang mas mababa sa 1,000 ang bagong Covid-19 cases.
Ayon pa sa opisyal, patuloy na gaganda ang sitwasyon sa bansa kung mapapanatili ng publiko ang pagsunod sa health and safety protocols na ipatutupad ng pamahalaan.
Samantala, nakikita umano ng World Health Organization (WHO) na posibleng mas marami ang tamaan ng naturang variant sa mga susunod na buwan kaysa sa Delta variant kung saan, posibleng magkaroon ng surge sa buwan ng Pebrero at Marso kaya’t dapat na paghandaan ang “worst case scenario.” — Sa panulat ni Hya Ludivico
