Inihayag ni Health Undersecretary Maria Rosario Vergeire na walang pagtaas ng mga kaso ng COVID-19 sa alinmang bahagi ng bansa.
Gayunman, nakitaan aniya ng bahagyang pagtaas sa COVID-19 one-week growth rate ang ilang mga lugar.
Tiniyak naman ni Vergeire na patuloy nilang binabantayan ang sitwasyon at agad na isasapubliko sakaling magkaroon ng mga pagsirit ng kaso.
Sinabi pa ng opisyal na patuloy ang pagbulusok ng COVID19 infections, na may average na bilang na 490 cases, kung saan 150 dito ay mula sa Metro Manila.
