Inihayag ng isang law expert na mananalo si presidential aspirant Bongbong Marcos sa lahat ng mga petisyon na humihirit na kanselahin ang kanyang certificate of candidacy (COC).
Ayon kay Atty. Tony La Viña, dating dean ng Ateneo School of Government, ito’y dahil sa ‘political doctrine’ na dapat ang taumbayan ang magdesisyon at hindi ang korte.
Sinabi ni La Viña na ang nasabing doktrina ay itinuturo rin sa mga law schools, partikular sa disqualification cases sa eleksiyon.
Dahil dito, naniniwala ang abogado na hahayaan ng Commission on Elections (Comelec) at maging ng Korte Supema na ang tao na ang magpasya sa usapin.
“I’m inclined to think that most likely Bongbong Marcos will prevail in the disqualification cases, because more than anything, the political question doctrine. The court cannot decide this, it should be the people that should decide this,” sabi ni La Viña.
Matatandaang nagpahayag din sina dating Northwestern University College of Law Dean Emmanuel Tipon, dating UST College of Law Dean Nilo Divina at dating Justice Secretary Alberto Agra na malabong magtagumpay at mahina ang disqualification cases laban kay Marcos.
