Dedesisyunan na ng Senate Electoral Tribunal o SET sa Nobyembre 17 ang disqualification case laban kay Senador Grace Poe.
Ito ang inihayag ni Supreme Court Senior Associate Justice Antonio Carpio, Chairman ng Tribunal.
Sinabi ni Carpio, hindi bukas sa media ang isasagawa nilang botohan sa disqualification case ni Poe.
Posible aniyang ilabas nila sa nabanggit na petsa ang kopya ng desisyon.
Matatandaang si Poe ay sinampahan ng disqualification case ni Rizalito David sa SET dahil sa alegasyong hindi ito natural-born Filipino na siyang requirement sa mga senador sa ilalim ng 1987 Constitution.
By Meann Tanbio | Bert Mozo (Patrol 3)
