Walang Pilipinong nadamay sa nangyaring pagguho ng putik o mudslide sa Sierra Leone na ikinasawi ng mahigit 300.
Ito ang kinumpirma ng DFA o Department of Foreign Affairs batay na rin sa ipinarating na ulat sa kanila ng embahada ng Pilipinas sa naturang bansa.
Kasunod nito, sinabi ni Philippine Ambassador to Abuja Shirley Ho-Vicario na patuloy nilang binabantayan ang sitwasyon sa nasabing lugar.
Nagpaabot na rin sila ng pakikiramay sa pamilya ng mga nasawi gayundin sa mahigit 600 indibiduwal na patuloy pa ring pinaghahanap.
