Inihayag ng Department of Foreign Affairs (DFA) na suportado nito ang pagkakabuo ng Department Of Migrant Workers (DMW)
Ayon kay DFA Undersecretary Sarah Lou Arriola, ang batas na nagbuo sa DMW ay naaayon sa rekomendasyon ng Global Compact for safe, orderly and regular Migration (GCM).
Aniya, mapapaloob sa bagong ahensya ang Office of the Undersecretary for Migrant Workers’ Affairs (OUMWA) ng DFA kabilang ang iba pang government offices na tumutugon sa pangangailangan ng OFWS.
Samantala, sinabi ng DFA na ang pagkakaroon ng sariling kagawaran para mga pinoy migrant worker ay isang paninindigan ng bansa na magkaroon ng globally-recognized migration management system. —sa panulat ni Airiam Sancho
