Patay sa pananambang ang isang empleyado ng DENR o Department of Environment and Natural Resources habang nasa kritikal na kalagayan naman ang asawa nito sa barangay Guiwan sa Zamboanga, kagabi.
Ayon sa pulisya, pauwi na sana ang mga biktima sa kanilang bahay sakay sa motorsiklo nang pagbabarilin ng dalawang suspek na nakaskaay din sa motorsiklo.
Nagtamo ng tama ng bala sa iba’t-ibang bahagi ng katawan ang biktimang si Mohammad Resa Ismael na nagresulta sa pagkamatay.
Kasalukuyan namang nagpapagamot sa ospital ang asawa nitong si Jackilyn Ismael.
Samantala, iniimbestigahan ngayon ng pulisya kung may kinalaman ba sa trabaho ang motibo sa pamamaslang.
