Binawi na ni San Miguel Corporation President at Chief Operating Officer Ramon Ang ang kasong estafa na isinampa nito laban kay GMA Network Chairman at Chief Executive Officer Atty. Felipe Gozon gayundin sa 9 na iba pa.
Ito’y matapos pumayag ang kampo ni Gozon na ibalik ang P1 bilyong pisong downpayment na ibinayad ni Ang para sa pagbili ng 34 na porysentong shares ng GMA Network.
Sa trading floor ng Philippine Stock Exchange, nagkasundo ang dalawa na daanin sa amicable settlement ang gusot sa pagitan nila.
Kabilang din sa mga kinasuhan ang ilan pang miyembro ng pamilya Gozon gayundin ang iba pang major stockholders ng GMA na sina Belinda Madrid, Erlinda Gana, Jaime Gana, Florencia Gozon Tarriela, Edgar Tarriela at Tricia Valderrama.
By Jaymark Dagala
