Kinasuhan na ng Rizal Commercial Banking Corporation (RCBC) ang dati nitong Branch Manager na si Maia Santos-Deguito at Senior Customer Relations Officer na si Angela Torres dahil umano sa pamemeke ng bank documents para sa 81 million dollars na ninakaw ng mga hacker mula Central Bank of Bangladesh.
Kasong falsification of documents ang isinampa ng pamunuan ng RCBC sa Makati Regional Trial Court laban kay Deguito kaugnay sa bank accounts sa ilalim ng pangalan ng negosyanteng si William So Go.
Magugunitang itinanggi ni Go na sa kanya ang mga account kung saan idineposito ang 66 million dollars na pinaniniwalaang bahagi ng ninakaw na pera mula Central Bank of Bangladesh na nakalagak sa Federal Reserve Bank of New York sa Amerika.
By Drew Nacino
