Tiniyak ni Defense Secretary Delfin Lorenzana na hindi papatayin ng militar ang mga miyembro ng Maute group na susuko sa gobyerno.
Ito ay matapos makatanggap ng impormasyon si Lorenzana mula kay Lanao del Sur Congressman Mauyag Papandayan Jr. na nag – alok umano na sumuko na ang mga terorista sa kondisyong hindi sila papatayin.
Giit ni Lorenzana, hindi naman mamamatay tao ang mga sundalo kaya malaya umano ang mga terorista na sumuko.
Ipauubaya na aniya nila sa Korte ang mga susukong Maute para masampahan ng kaso.
