Pumalo na sa mahigit 300 ang nasawi sa pagtama ng magnitude 7.3 na lindol sa hilagang border ng Iraq at Iran.
Ayon sa National Disaster Management Organization ng Iran, aabot sa 334 ang nasawi habang nasa mahigit 1,700 naman ang nasugatan.
Inaasahan pang tataas ang bilang ng mga nasawi sa pagpapatuloy ng search and rescue operations dahil sa marami pang nadaganan o nalibing ng buhay mula sa mga gumuhong gusali.
Samantala, aabot sa 7,000 naman ang naitalang nawalan ng matutuluyan matapos ang pagtama ng malakas na lindol.
—-
