Nadagdagan pa ng 1 ang death toll sa hanay ng Philippine National Police (PNP) na ngayo’y 34 na.
Iyan ang inihayag ng Adminiatrative Support to COVID 19 Operations Task Force (ASCOTF) na batay sa datos mula sa PNP Health Service.
Ayon kay PNP OIC at ASCOTF Commander P/LtG. Guillermo Eleazar, nasawi ang isang 45 na lalaking Pulis dulot ng cardiac arrest at positibo sa virus.
Kasunod nito, nakapagtala rin ang PNP ng 103 na bagong kaso ng COVID 19 kaya’t sumampa na sa 12,343 ang kabuuang kaso nito.
Nanguna ang NCRPO sa may pinakamaraming bagong kaso na nasa 40, sinundan naman ito ng NOSU na may 17 habang ang NHQ ay nagtala ng 11.
Walo ang naitala maman sa NASU, anim sa Central Luzon, lima sa Cagayan Valley, tatlo naman mula sa CALABARZON, tig-dalawa sa Central Visayas, Zamboanga Peninsula, Soccsksargen, Caraga at Cordillera.
Habang tig-isa ang naitala naman sa Eastern Visayas, Northern Mindanao at Davao Regions.
Sa kabuuang bilang ng mga tinamaan ng virus, aabot sa 918 dito ang aktibong kaso matapos na makapagtala ng 74 na bagong gumaling sa sakit kaya’t sumampa na sa 11,319 ang total COVID recoveries sa PNP. —ulat mula kay Jaymark Dagala
