Nagpahayag ng kahandaan ang kampo nina Davao City Vice Mayor Paolo Duterte at Atty. Manases Carpio.
Kasunod ito ng pagkakakaladkad ng pangalan ng dalawa sa isinagawang imbestigasyon ng senate blue ribbon committee sa lumusot na 6.4 milyong halaga ng shabu sa BOC o Bureau of Customs.
Ayon kay Davao City Mayor Sara Duterte – Carpio, handa aniya ang kanyang kapatid at asawa na dumalo sa senado para malinis ang kanilang pangalan
Sa ngayon ay naghihintay lamang sila ng pormal na imbitasyon sa dalawa.
Matatandaan na kahapon ay itinanggi naman ng customs broker na si Mark Taguba na iniuugnay nya ang dalawa sa iligal na aktibidad sa Customs.
Paliwanag ni Taguba, wala syang naging direktang negosasyon sa dalawa at narinig lamang nya ang kanilang pangalan mula sa tinawag niyang si Tita Nani at Jack na nagpakilala umano sa kanya sa Davao Group.
