Bibigyang-pagkilala ng Senado si dating senador Heherson Alvarez kapag muling nagbukas na ang sesyon sa ika-4 ng Mayo.
Ayon kay Senate Majority Leader Juan Miguel Zubiri, hindi lang mabibigyan ng full necrological service ang senador na pumanaw dahil sa coronavirus disease 2019 (COVID-19).
Sinabi ni Zubiri na nawalan muli ng haligi ang Senado at ang pinaka-nakalulungkot umano dito ay hindi nila mabibigyan ng maayos na pagkilala ang senador dahil sa banta ng COVID-19.
Gayunman, sisikapin aniya nila na kahit papaano ay mabigyan ng panahon at makapag-alay ng panalangin para sa namayapang senador.
