Pinapurihan ni dating DILG Secretary Mar Roxas si dating Pangulong Noynoy Aquino sa mga nagawa nito para sa bayan.
Sa post ni Roxas sa Facebook, sinabi nitong iniwan ni Aquino na mas maigi ang bansa kumpara sa estado nito noong natagpuan niya.
Sinabi rin ni Roxas na taas-noo siyang naging bahagi ng paglalakbay ni Aquino bilang Pangulo at naging isa sa mga pinagkatiwalaan ng ilang mga responsibilidad.
Si Roxas ang pinili ni Aquino na maging standard bearer ng partido Liberal sa nagdaang eleksyon.
Ngunit matapos ang bilangan ng lahat ng boto, pumangalawa lamang si Roxas sa ngayo’y bagong Pangulong Rodrigo Duterte.
By: Avee Devierte
