Sinibak ni Philippine National Police Chief Gen. Nicolas Torre III ang hepe ng isang Lungsod sa Rizal na sinasabing tamad sa paghawak ng isang kaso ng pagnanakaw sa lugar.
Ayon kay Gen. Torre, nakatanggap siya ng impormasyon na pinauwi lamang ng City Police ang isang negosyanteng nagrereklamo hinggil sa dalawang empleyadong bigla na lamang nawala kasama ang kanyang pera.
Matapos aniyang makipag-ugnayan ang complainant kay PNP Chief Torre, naaresto ng pulisya sa Negros Island Region ang dalawang suspek at narekober ang 500,000 pesos na halaga ng nawawalang pera.
Maliban dito, hindi na nagbigay ng karagdagang impormasyon si Gen. Torre sa pagkakakilanlan ng nasibak na Police Chief, ng nagreklamong negosyante, at ng dalawang empleyadong sangkot sa insidente.
