Ibinunyag ni Ombudsman Samuel Martires na talamak pa rin ang korapsyon sa pamahalaan.
Ayon kay Ombudsman Martires, libu-libong kaso ng korupsyon na kinasasangkutan ng mga opisyal ang kasalukuyang iniimbestigahan ng korte.
Mahigit isanlibo anya ang kasalukuyang sumasailalim sa case evaluation habang mahigit 6,000 ang iniimbestigahan kung saan mahigit 3,000 rito ang nakabinbin pa sa Sandiganbayan at Regional Trial Courts.
Kaugnay nito, ibinulgar din ni Ombudsman Martires na ang Department of Agriculture at ang National Food Authority ang pinaka-kurap na government agency.
Binigyan-diin ng Ombudsman na nuong iniimbestigahan nila ang importasyon ng agricultural products dahil anya sapat naman ang suplay ng mga ito, natuklasan nilang mismong mga kawani ng d-a ang sangkot sa importasyon.
Giit pa ng opisyal, pangunahing kinasasangkutan ng mga kawani ng pamahalaan, ang paglabag sa procurement law at panunuhol. —sa panulat ni Kat Gonzales
