Nananatili pa ring pinakamayaman sa hanay ng mga senador si Senadora Cynthia Villar.
Batay sa kanyang isinumiteng Statement of Assets, Liabilities and Net Worth o SALN, nasa 3.611 billion pesos ang net worth ni Villar.
Si Villar at kanyang pamilya ay kilala sa real estate business.
Sumunod naman kay Villar sa usapin ng yaman at isa ring bilyonaryo si Senador Manny Pacquiao na may net worth na 2.9 billion pesos.
Pasok naman sa ikatlong posisyon si Senador Ralph Recto na may net worth na mahigit 627 million pesos, pang-apat si Senador Migz Zubiri na may mahigit 152 million pesos na yaman at pasok din sa top 5 si Senador Sonny Angara na may mahigit 131 million pesos na net worth.
Samantala, itinuturing naman na pinakamahirap na senador ngunit milyonaryo pa rin si Senador Antonio Trillanes IV na nagdeklara ng yaman na 6.8 million pesos.
Senator Cynthia Villar, nananatiling pinakamayamang senador base sa isinumiteng Statement of Assets, Liabilities, and Net Worth o SALN | via @blcb pic.twitter.com/zqzdpQppT5
— DWIZ Newscenter (@dwiz882) May 17, 2018
—-
