Handa ang Communist Party of the Philippines-New People’s Army sa Southern Mindanao na harapin ang ikinakasang “ full-scale war” ng Duterte administration sa susunod na taon.
Ito ang inihayag ni Ka Joaquin Jacinto, Spokesman ng National Democratic Front-Southern Mindanao sa pagdiriwang ng ika-49 na anibersaryo ng CPP, kahapon.
Ayon kay Jacinto, magpapatuloy ang N.P.A. upang labanan ang mga pang-aabuso ng gobyerno.
Kahit anya gamitan sila ng airstrikes, drone at kung anu-anong military operations, walang sinuman sa kanilang hanay ang natinag at sa katunayan ay nadagdagan ang kanilang puwersa ngayong taon.
Idinagdag din ni Jacinto na handa ang mga N.P.A. member na isakripisyo ang kanilang buhay para sa rebolusyon at sa mga mamamayan.
