Tumataas ang bilang ng COVID-19 cases sa mga edad lima pababa.
Kinumpirma ni Health Undersecretary Maria Rosario Vergeire na umabot sa 632 cases sa nasabing age group ang naitala mula January 24 hanggang 30 kumpara sa 554 noong peak ng Delta case noong Setyembre.
Kapansin-pansin naman ang pagbaba ng kaso ng COVID-19 sa mga 60 taon pataas.
Samantala, nilinaw ni Vergeire na bagaman tumataas ang mga kaso, pawang banayad o mild lamang ang mga ito.
Kailangan anyang bigyan ng mas maraming proteksyon ang mga bata upang maipagpatuloy nilang ma-enjoy ang paglabas ng bahay, pakikisalamuha sa mga kapwa bata at makapasok na sa eskuwelahan.