Nagpaalala si Philippine National Police (PNP) Chief Police General Rodolfo Azurin Jr. sa lahat ng mga pulis na hindi ito maaaring mag-solicit o tumanggap ng mga regalo ngayong pasko.
Paliwanag ni Azurin, ito ay alinsunod sa itinakdang code of conduct and ethical standards for public officials and employees ng civil service commission.
Nagbabala naman ang hepe ng kapulisan na papatawan ng administratibo at kriminal na kaso ang sinumang lalabag sa naturang batas.
Sinabi rin ni Azurin na ito ay para makaiwas ang kanilang hanay sa pagbibigay ng pabor sa mga nagbigay ng regalo. - sa panunulat ni Hannah Beatrisse Oledan – sa ulat mula kay Agustina Nolasco (Patrol 11)
