Namemeligro ngayon ang buhay ng Pinay drug convict na si Mary Jane Veloso.
Ito’y makaraang ihayag ng National Narcotic Agency ng Indonesia na itutuloy ang pagbitay sa mga drug dealers at convicts sa kanilang bansa ngayong taon.
Sa report ng naturang ahensya, 55 drug convicts ang hinatulan ng kamatayan habang 14 dito ang nakatakda nang bitayin.
Gayunman, sinabi ng Attorney General’s Office ng Indonesia na posible ngang mapasama sa bibitayin si Veloso sa sandaling matapos na ang dinirinig na kaso nito rito sa Pilipinas.
By Jaymark Dagala
