Matapos ang firecracker industry, sunod namang sisilipin ng Department of Labor and Employment o DOLE ang working conditions sa construction at medical sectors.
Ayon kay Labor Secretary Silvestre Bello III, paiigtingin ng DOLE sa 2017 ang pag-iinspeksiyon sa mga kumpanya sa mga nasabing sektor.
Katunayan, sinabi ni Bello na magpapadala ito ng isang lupon ng mga inspector upang mabusisi ang kalagayan o working condition ng mga nurse at iba pang medical staff sa mga ospital.
Ibinabala rin ni Labor Undersecretary Dominador Say na ire-review ng ahensya ang mga regulasyon na sumasaklaw sa construction at hospital industry kung saan tututukan pa rin ang illegal end of contract o “endo scheme”.
By Jelbert Perdez
