Binuksan na sa publiko ng Parish Pastoral Council for Responsible Voting o PPCRV ang kanilang command center.
Dito makikita ang tatlong servers na siyang tatanggap ng resulta ng bilangan na magmumula naman sa National Board of Canvassers sa Philippine International Convention Center o PICC sa Pasay City.
Kasunod nito, kapwa inihayag ng PPCRV at ng Kapisanan ng mga Brodkaster ng Pilipinas o KBP ang kanilang kahandaan sa pagsasapubliko ng resulta ng eleksyon.
Binigyan din ng angkop na puwesto ang mga miyembro ng media para sa aktuwal na pagsasahimpapawid ng resulta ng botohan.
Precinct finder feature
Maglalagay ng precint finder section sa kanilang website ang Parish Pastoral Council for Responsible Voting o PPCRV.
Ito’y bilang tulong ng nasabing Citizen’s Arm Group ng COMELEC ngayong eleksyon upang makatulong sa paghahanap ng mga botante sa kanilang mga presinto.
Ayon sa PPCRV, mahalaga ang pagkakaroon ng precint finder upang magabayan ang mga botante at upang hindi na tumagal pa ang proseso ng botohan sa darating na Lunes.
Sa kasalukuyan, naka-down pa rin ang website ng COMELEC partikular na ang precinct finder section nito makaraang mabikitima ng cyberhacking
By Jaymark Dagala | Allan Francisco (Patrol 25)
