Plano ng Commission on Elections o COMELEC na i-recycle ang mga balotang na-imprenta na sa oras na magdesisyon ang Kongreso na muling ipagpaliban ang Barangay at Sangguniang Kabataan elections sa Oktubre.
Ayon kay COMELEC Chairman Andres Bautista, may dalawa silang opsyon kung paano gagamitin muli ang official ballots na sinimulang iimprenta noong Miyerkules.
Una ay magpasa ng resolusyon na magsasabing ang petsang nakasaad sa mga balota ay balido para sa susunod na halalan.
Ang ikalawa ay maaaring gamitan correction fluid ang mga balota upang palitan ang mga petsa pero tanging ang problema ay magreresulta ito sa dagdag gastos.
Agosto 9 nang simulan ng poll body sa National Printing Office ang pag-i-imprenta ng 77 million official ballots na gagamitin sa Barangay at SK Elections at umaasang matatapos ang printing sa loob lamang ng 35-araw.
By Drew Nacino