Inararo ng isang malaking truck ang Christmas market sa Berlin, Germany, habang abala ang marami sa pamimili ilang araw bago ang Pasko.
Batay sa inisyal na imbestigasyon, umabot na sa 12 ang patay samantalang may 50 iba pa ang sugatan sa insidente.
May hinala ang pulisya na katulad ito ng pag-atakeng nangyari sa Bastille Day celebration sa France kung saan inararo rin ng isang truck ang mga taong nanunuod ng fireworks na ikinasawi ng 86 katao.
Matatandaan na ang pag-atake sa Bastille Day ay inako ng Islamic State.
By Len Aguirre
Photo Credit: Reuters
