Hindi umano sumipot sa imbitasyon ng mga mambabatas ang progresibong grupo kabilang na ang Commission on Human Rights (CHR) at iba pang academic at legal experts para talakayin ang isinusulong na anti-terrorism bill.
Ito ang inihayag ni Senador Panfilo “Ping” Lacson sa gitna ng pagtutol ng iba’t ibang grupo at indibiwal sa naturang panukalang batas.
Ayon kay Lacson, binigyan ng mga mambabatas ng pagkakataon ang mga grupong ito para makibahagi sa pagtalakay sa naturang panukala ngunit inindyan lang aniya sila ng mga ito.
Ani Lacson, ngayong nakalusot na ito sa kamara, ngayon din sila nag-iingay at nagpapakalat ng disinformation dahilan para matakot din dito ang publiko.
Giit ni Lacson, layon lamang ng House Bill No. 6875 o anti-terrorism act of 2020 na amyendahan ang kasalukuyang batas ngunit walang bisa na human security act of 2007.