Nauunawaan ng China ang masidhing kampanya ng administrasyong Duterte laban sa operasyon ng iligal na droga sa bansa.
Ito ang reaksyon ng Chinese Embassy sa Pilipinas matapos maghayag ng sama ng loob ang Pangulong Rodrigo Duterte sa mga Tsino na nasasangkot sa iligal na operasyon.
Sa inilabas na pahayag ng embahada, may matibay ding kampanya kontra droga ang gobyerno ng China at pinarurusahan din nila ang mga napatutunayang sangkot dito anuman ang kanilang lahi.
Dahil dito, tiniyak ng China ang kanilang pakikipagtulungan sa Pilipinas at sa iba pang mga bansa upang matuldukan na ang pagkalat ng iligal na droga.
By Jaymark Dagala | Allan Francisco (Patrol 25)
