Ikinatuwa ni dating Pangulo ngayo’y Kongresista Gloria Macapagal Arroyo ang pinal na pasya ng Korte Suprema.
Kaugnay ito sa pagpapawalang sala sa kaniya hinggil sa multi-milyong Pisong anomalya sa Intellegence Fund ng PCSO o Philippine Charity Sweepstakes Office.
Sinabi ng mambabatas na maituturing na tagumpay ang pagpapawalang sala sa kaniya ng Supreme Court at nagpapasalamat siya dahil nalinis ang kaniyang pangalan.
Sa ngayon, maluwag na sa isip na tututukan ni ginang Arroyo ang mga dapat niyang gawin upang matulungan ang kasalukuyang administrasyon na makamit ang magandang buhay para sa mga Pilipino.
By: Jaymark Dagala / Jill Resontoc
